Follow Us: 
Up Coming Events
56th Annual General Meeting
meeting
මාතර රාහුල විද්‍යාලයීය ආදිශිෂ්‍ය කොළඹ සංගමයේ 56 වෙනි මහා සභා රැස්වීම 2018 මාර්තු මස 24 වන දින ඇතුල් කෝට්ටේ වෙත්තසිංහ ශාලාවේදී (Lions Activities Center) පැවැත්වූ අතර එහිදී නව නිළදාරි මණ්ඩලය පත්කර ගැනීම සිදුවිය. එහි ප්‍රධාන ආරාධිත අමුත්තා වශයෙන් උසස් අධ්‍යාපන හා මහාමාර්ග අමාත්‍යංශයේ අතිරේක ලේකම් මාධව දේවසුරේන්ද්‍ර මහතා සහභාගී වූ අතර එදින විශේෂ ආරාධිත අමුත්තා වශයෙන් ජේෂ්ඨ වෛද්‍ය ප්‍රියන්ත ජගත් වීරරත්න මහතා සහභාගී විය. එහි දී හිටපු ලේකම් ශිරාල් ලක්තිලක මහතා විසින් සිදුකළ සේවය ඇගයීම වෙනුවෙන් විශේෂ උපහාරයක් පිරිනැමීම සිදුවිය
Rahula Sandawa 2018
meeting
රාහුල විද්‍යාලයීය ආදිශිෂ්‍ය කොළඹ සංගමය මගින් වාර්ෂිකව සංවිධානය කරනු ලබන රාහුල සැඳාව (get together ) 2018 මාර්තු 3 වනදින බත්තරමුල්ල waters edge හිදී මහත් උත්සවත් ශ්‍රීයෙන් පැවැත්විණි. එයට රාහුල විද්‍යාලයේ ආදී ශිෂ්‍යයන් විශාල ප්‍රමාණයක් සහභාගී විය. උත්සවය ලංකාවේ ජනප්‍රිය සංගීත කණ්ඩායමක් වන sunflower සංගීතයෙන් රසවත් විය. එය නර්තන අංග සහ ගැයුම් වලින් සමන්විත විය. එහි ප්‍රධාන ආරාධිත අමුත්තන් වශයෙන් දොස්තර නන්දලාල් වීරසිංහ මහතා සහ රෙගු අධ්‍යක්ෂක (Director of customs ) W K රන්දෙණිය සහභාගී සහභාගී විය.
77th Battle of the Golden Lions 2018
meeting
මාතර රාහුල විද්‍යාලය සහ පන්නිපිටිය ධර්මපාල විද්‍යාලය අතර වාර්ෂිකව පැවැත්වෙන මහා ක්‍රිකට් තරඟාවලිය මෙවර මාතර උයන්වත්ත ක්‍රීඩාංගනයේදී පැවැත්විණ. මෙය පාසැල් දෙක අතර පැවැත්වෙන මහා ක්‍රිකට් තරඟාවලියේ 7 වන තරඟයයි. දෙදින තරගාවලියක් වන මහා ක්‍රිකට් තරඟය ජය පරාජයකින් තොරව නිමාවූ අතර එහි පළමු ඉනීමේ ජය රාහුල විද්‍යාලය හිමිකර ගන්නා ලදී. පළමු ඉණිමේ පළමුවට පන්දුවට පහරදුන් පන්නිපිටිය ධර්මපාල කණ්ඩායම පන්දු වාර 41.4 ට ලකුණු 130ක් තුලදී සියලු දෙනාම දැවියන ලදී. පිළිතුරු ඉනිම ක්‍රීඩාකළ මාතර රාහුල විද්‍යාලයීය කණ්ඩායම පන්දු වාර 82.3 කදී සියලු දෙනාම දැවී ලකුණු 181 ක් ලබාගැනීමට සමත්විය. දෙවෙනි ඉනිම ඇරඹු පන්නිපිටිය ධර්මපාල කණ්ඩායම කඩුලු 5 ක් දැවී සිටියදී ලකුණු 144 ක් රැස්කර පන්දුවට පහර දීමේ අවස්ථාව රාහුල විද්‍යාලයීය කණ්ඩායමට ලබාදුනි. එහිදී රාහුල විද්‍යාලය කඩුලු 1 කට ලකුණු 21 ක් ලබා සිටියදී දිනය නිමාවී ජය පරාජයකින් තොරව තරඟය නතරවිය . එක්දින තරඟයේ ජය පන්නිපිටිය ධර්මපාල කණ්ඩායම හිමිකර ගන්නා ලද අතර එහි ආරාධිත අමුත්තා වශයෙන් Dr සුජීව ලොකුහේවා මහතා සහභාගී විය.
Search Member Details